एक प्रयत्न गझल सारखे काही

एक प्रयत्न गझल सारखे काही करण्याचा 
जमतेय का नक्की सांगा 



नियतीचा फेरा येतो जेव्हा 
सारेच पालटुनी जातो 

मी कैफात जगत होतो 
मंद्र तार सप्तकात बेफाम 
स्वर बरसत होतो 

नियतीचा एक पलटा
ऐसाच मजवरी आला 
साऱ्याच सूर सप्तकांना खर्जात घेऊनि गेला 

नियतीचा फेरा येतो जेव्हा 
सारेच पालटुनी जातो

लावताच तारा वाटले 
सुंदर जुळल्या आता 
साऱ्याच सुरांना धरुनी झंकारत होत्या 

नियतीने फिरविता कळ 
साऱ्याच बेसुऱ्या जहाल्या

नियतीचा फेरा येतो जेव्हा
सारेच पालटुनी जातो 

मल्हार लागला  होता 
सुंदर फेर धरुनी 
घन घन बरसत होता 

मध्येच नियतीच्या सूर पलट्याने 
भैरवी भरून गेला 

सुनील २/१२/१६